Günüň dowamynda eliňi diňe nahardan öň däl-de, galan wagtlary hem ýuwmagyň gowudygy hemmelere çagalyk wagtyndan bäri bellidir.
Eliňi sabyn bilen ýuwmaklygy diňe bir ene-atalarymyz däl, eýsem lukmanlar hem aýdýarlar. Bu dürli infeksiýalaryň ýaýraýan döwründe has hem möhümdir. Elbetde, eliňi ýygy-ýygydan sabyn bilen ýuwmak keselden 100% gorap bilmez, ýöne ondan gaçmak mümkinçiligini belli bir derejede artdyrar.
“Eliň arassa bolmagy hökmanydyr. Aýratynam gürrüň dümewiň ýaýraýan döwri barada gidýän bolsa, ýöne muňa aşa köp üns bermek gerek däl. Eliňi günüň dowamynda islendik ýuwujy serişdeler bilen alty-sekiz gezekden köp ýuwmak deriniň guramagyna getirýär. Netijede, ondan organizmi infeksiýalardan goraýan peýdaly bakteriýalaryň gatlagy aýrylýar. Eliňi ýygy-ýygydan ýönekeý ýuwmak derini zaýalaýar” – diýip, lukman düşündirýär.
Lukman antiseptikleriň el üçin derman bolmaýandygyny hem duýdurdy. “Amerikan pediatr akademiýasynyň subut etmegine görä, eliňi antiseptikli süpürmek bilen eliň hapadan arassalanmaýar. Oňa garanda eliňi akyp duran ýönekeý suwuň aşagynda ýuwmak has täsirli. Antiseptikler we çygly el süpürgiçler eliňden hapany aýyrmaýar, diňe olaryň eliňde çyrşalmagyna getirýär” – diýip, lukman belleýär.
Lukman eliň köp ýuwulmagyny howply diýip atlandyrdy
- 11.03.2020 22:07
- 10k+
