Ýaňy-ýakynda Poco kompaniýasy Xiaomi-den bölünip aýrylypdy. Muňa garamazdan, kompaniýa eýýämden işjeňlik görkezip başlady.
Internetde Poco kompaniýasynyň Poco F2, Poco F2 Lite we Poco X2 ady bilen birwagtda üç sany smartfony taýýarlaýandygy barada maglumat peýda boldy. Görnüşi ýaly, köpçülige hödürleniljek ilkinji smartfon Poco X2 bolar. Kompaniýanyň resmi Twitter-akkauntynda-da hut şu smartfonuň üstümizdäki ýylyň fewralynda anons ediljekdigini görkezýän poster goýuldy.
Soňky alnan maglumatlara esaslansak, onda Poco X2 ahyrynda 4G ulgama eýe bolan meşhur Redmi K30 smartfonunyň ady üýtgedilen wersiýasy bolar. Ýatladyp geçsek, bu smartfon Hytaýda 2019-njy ýylyň ahyrynda anons edilipdi, onuň tapawutly tarapy bolsa displeýde tertipli ýerleşdirilen iki bölekli frontal kamerasy boldy. Poco X2 barada aýdylanda, smartfon Snapdragon 730G prosessorynyň esasynda gurlan, ol 8 GB operatiw ýada we 256 GB hemişelik ýada eýe. Bu gurluş Android 10-yň dolandyrmasy bilen işlär.
Xiaomi Pocophone X2 flagmanynyň anonsynyň resmi senesi belli edildi
- 25.01.2020 23:07
- 2.5k+
