Rakuten Mobile ýapon kompaniýasy Rakuten Mini ady bilen häzirki döwrüň iň ykjam modelleriniň biri bolan smartfonuny anons etdi.
Bu täze önüm 106 x 53 x 8,6 mm göwrümdäki diagonaly 3,6 dýuýmly (1280 x 720 nokat) ekran bilen üpjün edildi.
Bu önümiň aýratynlygy – fiziki SIM-karta üçin bölegiň bolmazlygy. Apparat diňe eSIM arkaly işläp bilýär, bu bolsa ony 2019-njy ýylyň eplenilýän Motorola Razr-y bilen ýakynlaşdyrýar.
Modeliň esasynda 3 Gbaýt operatiw we 32 Gbaýt içki ýat düzümde işleýän sekiz ýadroly Qualcomm Snapdragon 439 çipsedi durýar. Şeýle-de, onda 1250 mA/sag akkumulýatoryň we 5 hem-de 16 pikselli kameranyň bardygy hem bellenilip geçilýär. Rakuten Mini Android-iň dolandyrmasy boýunça işleýär.
Dünýäde iň kiçi smartfonlaryň ýene biri hödürlenildi
- 24.01.2020 21:23
- 5.5k+
