Mi 10 Galaxy S20-den bir gün öň görkeziler

Xiaomi özüniň Mi 10 we Mi 10 Pro flagman smartfonlaryny Samsung kompaniýasynyň Galaxy S20 lineýkasyndaky flagmanlaryndan bir gün öň görkezer. Samsungyň premýerasynyň fewralyň ikinji ýarymyndan 11-nji senä geçirilmegi Xiaominiň meýilnamasyny «bulaşdyran» bolmagy ahmal, muňa garamazdan, hytaýlylar, çeşmä laýyklykda, Mi 10 smartfonunyň premýerasyny Galaxy S20-iň premýerasyndan bir gün öňe goýdular.
Xiaomi Mi 10 we Mi 10 Pro smartfonlaryny 10-njy fewralda Pekinde geçiriljek hususy çäresinde ilkinji gezek görkezer. Galaxy S20-iň premýerasynyň ABŞ-da 11-nji fewralda geçiriljekdigini göz öňünde tutsak, onda iki bäsdeşiň resmi anonslarynyň arasyny iki gün böler. Bu bolsa Xiaomi kompaniýasyna diňe bäsdeşiniň täze önüminden ünsi biraz sowmaga däl-de, eýsem, öz flagmanynyň satuwyna çalt başlamaga mümkinçilik berer.
Gyzykly ýeri hem, Xiaomi we Samsung flagmanlary tehniki taýdan bu gezek örän meňzeş. Olarda 108 megapikselli kameralar, SoC Snapdragon 865 (Galaxy S20-de SoC Exynos 990 warianty hem), köp ýat, 5G modemi we ekranynyň egri gapdal taraplary bolar. Şunuň bilen birlikde Mi 10 Samsung modellerinden ep-esli arzan bolar.