Internet-çeşmeler geljekki flagman smartfony bolan Sony Xperia-nyň söwda bazarynda heniz hiç bir enjamyň eýe bolmadyk özboluşly tehniki häsiýetleriň toplumy bilen üpjün ediljekdigi barada habar berýärler.
Taýýarlanylýan bu täze önüm 24-nji fewralda Barselona şäherinde geçiriljek mobil senagatynyň Mobile World Congress 2020 sergisinde görkeziler.
Habar berlişine görä, bu smartfon pudakda ilkinji bolup 4K formatdaky displeýe we bäşinji nesliň mobil toruna (5G) eýe bolar. Üstesine-de, 4K-panel ilkinji gezek Snapdragon 865 prosessory bilen «goňşuçylykda bolar».
Eger-de bar bolan maglumatlara esaslansak, displeýiň göwrümi diagonallygyna 6,6 dýuým, taraplary 21:9 gatnaşykda bolar. Işläp düzüji HDR ygtyýarly OLED ekranyny ulanar.
5G torundaky işi awtonom däl (NSA) we awtonom (SA) arhitektura bilen ylalaşykda Snapdragon X55 modemi üpjün eder.
Smartfonuň arka tarapynda dört bölekden ybarat kamera ýerleşer. Onuň çaklanylýan konfigurasiýasy şeýle: esasy sensor 48 mln ýa-da 64 mln pikselli, 12 megapikselli blok giň burçly optikaly, 12 megapikselli telefoto-modul we ToF sensory.
Heniz apparatyň ady barada anyk çözgüt ýok: dürli wersiýalar aýdylýar – Xperia1.1, Xperia 0, Xperia 1 Premium.
Sony dünýäde 4K ekranly we 5G ulgamly ilkinji smartfony taýýarlaýar
- 22.01.2020 22:56
- 2.5k+
