Samsung smartfonlar üçin wirtual klawiaturasyny hödürledi

Samsung kompaniýasy tekst ýazmak üçin islendik tekiz üsti ulanmaga mümkinçilik berjek Selfie Type wirtual klawiaturasyny hödürledi. Emeli intellektli programma öňdäki kameranyň kömegi bilen barmaklaryň hereketlerini hasaba alýar we olary seljerip, klawiatura düwmesine basmalara öwürýär diýip, kompaniýanyň press-relizinde bellenilýär.
Oýlap tapyjylar smartfonlardaky ekran klawiaturalarynyň entegem adamlaryň olar bilen talabalaýyk işlemekleri üçin juda kiçidigini, çaklaňja klawiaturalaryň bolsa artykmaç ýer tutýandygyny aýdýarlar.
Wirtual klawiatura bilen işlenilende ulanyjy haýsydyr bir tekiz üstüň öňüne geçip oturmaly (meselem, stol) we smartfonyň kamerasyny onuň görýän meýdanyna eliň düşer ýaly edip ýerleşdirmeli. Soňra onuň tekiz üste «seretmän çap etmek» usulynda adaty klawiatura basyşy ýaly basmagy gerek. Programma barmaklaryň hereketlerini hasaba alýar we olary simwollara öwürýär.
Bu programmanyň heniz diňe prototip görnüşiniň bardygy üçin häzirki wagtda oýlap tapyjylar ony iňlis dilinden başga dillerde hem synagdan geçirip görmek we wirtual klawiatura teksti çap etmegi ulanyjynyň indiwidual aýratynlyklaryny-da göz öňünde tutup ýerine ýetirer ýaly etmek isleýärler.