«Rysgal» PTB Internet-banking hyzmatyny hödürleýär

«Rysgal» paýdarlar täjirçilik banky öz müşderileri üçin Internet banking hyzmatyny hödürleýär.
Bankyň resmi saýtynyň habar berşi ýaly, Internet banking hyzmatyny birikdirmek arkaly müşderi banka barmazdan, kompýutertleriň we mobil enjamlaryň üsti bilen aşakdaky hyzmatlardan peýdalanyp biler:
• Müşderiniň öz hasaplarynyň arasynda serişdeleriň geçirilmegi;
• Bankyň müşderilerine şeýle hem beýleki banklaryň müşderilerine adaty tölegleriň geçirilmegi;
• Adatça köp ulanylýan töleg tabşyryklarynyň görnüşleriniň nusgasyny hem-de şol nusgalaryň esasynda töleg tabşyryklaryny döretmek;
• Işleşýän taraplaryňyzyň atlarynyň, salgylarynyň, hasaplarynyň we ş.m. maglumatlaryň maglumatnamasyny (sprawoçnigini) ýöretmek;
• Müşderiniň öz hasaplary boýunça galyndylaryny we hereketlerini görmek we çap etmek;
• Karzlaryň töleg tertibini görmek;
• Bank tarapyndan iberilýän habarnamalary almak;
• Bank bilen habarlaşmak, sorag-jogap almak;
• Daşary ýurt pullarynyň hümmetini görmek.
«Rysgal» paýdarlar täjirçilik bankynyň Internet banking hyzmatyndan peýdalanmak üçin şertler:
• bankyň müşderisi bolmaly;
• bankyň resmi saýtynda (rysgalbank.com.tm) ýerleşdirilen «Rysgal» paýdarlar täjirçilik bankynda ýuridik şahslara we hususy telekeçilere menzilara bank hyzmatlaryny bermek hakynda Düzgünnama» (oferta çakylyk) bilen tanyşmaly we degişli formalary dolduryp, «Rysgal» paýdarlar täjirçilik bankyna tabşyrmaly.
Habarlaşmak üçin telefon belgiler: 96-46-74