Agşamlyk üçin iň zyýanly önümler

Günüň ikinji ýarymynda iýmit siňdiriş ulgamynyň işjeňligi peselýär. Bagyr, öt haltasy, aşgazanasty mäz gündizkä garanda, haýal işläp başlaýar.
Agşamlyk nahary — dogry dynç alşy düzýän iň esasysy zatlaryň biri. Dietologlar ýatmazyňdan 4 sagat öň naharlanmagy maslahat berýärler. Bu barada Change.ua ýazýar.
Gadagan edilýän önümler şulardan ybarat:
Gyzyl et. Gyzyl et adrenaliniň derejesini ýokarlandyrýan tiroziniň köp mukdaryny saklaýar. Şonuň üçin ony irden iýmeli, agşama çenli bolsa adrenalin norma geler we siz arkaýyn uklap bilersiňiz. Agşamlyk üçin ýeňil belokly nahar hökmünde guşuň ak etini we ýagly bolmadyk balygy maslahat bermek bolar.
Süýji miweler. Üzüm, erik, şetdaly, garpyz, gawun – peýdaly miweler, ýöne olar düzüminde şekeri we uglewodlary saklaýarlar. Şonuň üçin olardan agşam ýüz döndürmeli we olary günüň diňe birinji ýarymynda iýmeli. Şeýle-de, miwe kişdelerini hem iýmeli däl.
Tüwi. Tüwüde krahmallar we degişlilikde işjeň uglewodlar köp. Şonuň üçin iň gowusy tüwüden we beýleki şülelerden günüň ikinji ýarymynda ýüz döndürmeli.
Ýatlap geçsek, britan barlagçylarynyň maglumatlaryna laýyklykda, adam bir gije-gündiziň dowamynda 9 sagat 10 minut ýatmaly. Bu güýjüň gaýtadan dikelmegi üçin ýeterlik we adam oýanandan soň, has gowy ýeňil bolar. Şeýle-de ýatmaga girişmegiň iň amatly wagty hem kesgitlenildi – bu 21:45. Oýanmagyň iň amatly wagty – irden ýedi töwerekleri.