«Oskardan» soň derejesi boýunça ikinji ýerde gelýän «Altyn globus» baýragynyň gowşurylyş dabarasy Los-Anjelesde geçdi. Bu çäre 77-nji gezek geçirildi.
Kwentin Tarantino «Iň gowy ssenariý», «Iň gowy komediýa filmi» we «Iň gowy ikinji plandaky aktýorçylyk işi» üçin «Altyn globuslara» eýe boldy.
«Iň gowy zenan keşbi» baýragynda «Altyn globusa» golliwud ýyldyzy Judi Garlandyň keşbini ýerine ýetiren Rene Zellweger mynasyp boldy.
Jokeriň keşbi üçin adybir filmde «Altyn globusa» Hoakin Feniks eýe boldy.
«Iň gaty ses» işi üçin Rassel Kroua telewizion seriallar bölüminde «Altyn globus» gowşurylmalydy. Emma awstraliýaly aktýor dabara gatnaşyp bilmedi, ol ýangyn astynda galan garyndaşlaryna kömekleşmek üçin gitdi.
Daşary ýurt dilinde ýylyň iň gowy kinofilmi hökmünde Pon Jun-honuň «Parazitler» filmi saýlandy. Ol soňky geçen Kann forumynda «Altyn zeýtun baldagyna» mynasyp boldy.
«Drýan» teleserialynyň baş gahrymanynyň keşbini ýerine ýetiren we ssenariýeçi Fibi Uoller-Bridj «Iň gowy komediýa serialy» we «Telekomediýada iň gowy aktrisa» bölüminde 2 sany «Globus» aldy.
Kino sungatyna goşandy üçin Sesil de Milliň baýragyna Tom Henks mynasyp boldy.
«Altyn globus» baýragy ýylyň kino äleminde iň esasy baýrak bolan «Oskaryň» gowşurylyşyna baş taýýarlyk hasap edilýär. «Oskar» baýragy bir aýdan gowşurylar.
«Altyn globus — 2020»: kim ýeňdi — kino täzelikleri
- 06.01.2020 19:15
- 4k+
