«Espresso» kofesi barada

Appeniniň ýaşaýjylarynyň tassyklamagyna görä, italýan iýmiti — bu ýaşaýyş stili.
Neopolitan resepti boýunça pizza Adamzadyň bütindünýä medeni mirasynyň sanawynda eýýäm orun aldy, bu günler ÝUNESKO-nyň sanawyna «espresso» kofesini goşmak maslahatlaşylýar.
XIX asyryň ahyrynda Turin şäherinde Anželo Moriondo bir enjam oýlap tapýar. Bu enjam — häzirki zaman kofe taýýarlaýan enjamyň nesilbaşysydyr. Moriondonyň maksady gyssanmaç müşderilerini tiz wagtda gandyrmak bolup durýardy. Şonuň üçin hem ol kofeni «espresso» diýip atlandyrypdyr.
«Espresso» däplerini saklap galmak boýunça Konsorsiumyň hünärmeni Iaria Danezi şeýle düşündirýär: «Soňlugy bilen kofe taýýarlamak we içmek boýunça bu endik tutuş dünýä ýaýrap başlapdyr. Bu günki gün islendik kafede «espresso» sargyt edýän adam, onuň gelip çykyş taryhy barada ýatlap hem durmaýar. Biziň maksadymyz «espressony» yzyna «watanyna dolap getirmek» bolup durýar».
«Espressonyň» oýlanyp tapylmagy şol wagt üçin täze bir käriň — barrista käriniň ýüze çykmagyna getiripdir.
Hakyky «espressony» nädip tapawutlandyrmaly?
Bu soraga «Espresso» däplerini saklap galmak boýunça Konsorsiumyň hünärmeni şeýle jogap berýär: «Owadan jebis köpürjigi bilen. Bu köpürjik 7 gramm owradylan däneden we 30 millilitr ekstrakdan emele gelip, olary 25 sekundyň dowamynda 9 atmosfera basyşdan geçirmeli».
Italiýada kofeniň ilat başynsa sarp edilişi 6 kg barabardyr. Emma kofe içmek boýunça çempionlar italýanlar däl-de Skandinawlardyr. Birinji ýerde Finlýandiýanyň, olardan soň bolsa Norwegiýanyň ýaşaýjylary gelýär.