Reper 2015-nji ýyldan bäri albom çykaranokdy, ýöne bu oňa girdejisi boýunça Beýonseden we Jeý Ziden öňe geçmäge päsgel bermedi.
Forbes žurnalynyň wersiýasy boýunça, amerikan reperi we prodýuseri Dr.Dre (Andre Ýang) geçen onýyllygyň iň baý sazandasy hasaplanylýar.
Reýtingiň lideri köpleri haýran galdyrdy, çünki internet toruny ulanyjylar sanawyň başynda Beýonseni ýa-da onuň adamsyny, reper Jeý Zini görmäge garaşýardylar, başga birleri birinjilik Kanýe Uesta degişli bolar diýip pikir edýärdiler.
Muňa garamazdan, Dre bu ady mynasyp gazandy. Hip-hop ýerine ýetiriji soňky 10 ýylyň içinde 950 million dollardan gowrak gazanmagy başardy. Bu üstünligiň sebäbi meşhur nauşnikler bolan Beats paýnamasynyň 20%-niň satyn alynmagy boldy.
Dr.Dre onýyllygyň iň baý artistleriniň reýtinginiň başyny çekdi
- 27.12.2019 06:29
- 3k+
