Režisýor Wepa Işangulyýewiň «Nejep oglan» gadymy türkmen dessany bilen adybir düşüren filminiň esasynda ýaş bagşy we onuň dutarda çalýan jadylaýjy mukamy ýatyr.
Film Türkmenistanyň XIV-XV asyrlaryň ruhuny saklap galan taryhy hem medeni ýerlerinde, muzeýlerde düşürildi. Kino ýazgy topary Köneürgençde, Daşoguzda, Köýtendagda, Lebapda işledi. Gadym zamanlarda ötüp giden günleriň ruhuna ýakynlygy gazanmak maksady bilen, aktýorlar hakyky sakgal goýberdiler. Kinoşekilinde ýaňlanjak aýdymlaryň ählisi janly ýerine ýetirmede eşitdiler.
Kino düşürilende iň täze tehnikalar ulanyldy. Mysal üçin, suratlary ýagty we göwrümli edip görkezmäge we adaty kameralarda detallaşdyrmakda ýitgi berýän ýagdaýdan gaça durmaga ýardam berýän 4K ölçegli innowasion kameralar peýdalanyldy.
Aşgabatlylar we paýtagtyň myhmanlary «Nejep oglan» filminiň ilkinji görkezilişine 23-nji dekabrda 17:00-da «Aşgabat» kinoteatrynda tomaşa edip bilerler. Giriş tölegsizdir.
23-nji dekabrda «Nejep oglan» filminiň ilkinji görkezilişi bolar
- 22.12.2019 23:54
- 7.9k+
