Pantone Instituty 2020-nji ýylyň baş reňkini saýlady

Amerikan Reňk Instituty Pantone indiki ýylyň esasy trendini saýlady, diýip guramanyň saýtyndaky habarda aýdylýar.
2020-nji ýylyň reňki «klassyky gök» – «gök reňkiň wagta dahylsyz we üýtgewsiz öwüşgini» bolar.
Bu reňk «alagaraňkylykdaky asman», ol «rahatlygy, ynamlylygy we birleşmegi» alamatlandyrýar.
Amerikan kompaniýasy Pantone Inc 1963-nji ýylda reňkleri saýlamak boýunça standartlaşdyrylan ulgamy işläp düzdi, onda reňkleriň sanly meňzetmeleri peýdalanylýar. Nomerlenen etalon reňkler dizaýnda we poligrafiýada giňden ulanylýan ýörite katalogda neşir edilýär. Reňkleriň Pantone Instituty – bu kompaniýanyň barlag merkezi, bu ýerde reňkler bilen eksperiment işleri geçirilýär hem-de olaryň moda, interýer dizaýnyna, poligrafiýa, kino ýetirýän täsirleri öwrenilýär.
Geçip barýan 2019-njy ýylyň reňki Pantone institutynyň wersiýasy boýunça, «ýanyp duran merjen» bolupdy, 2018-nji ýylyň reňki bolsa – «ultrabenewşe».