Lyst gözleg platformasynyň reýtinginde iki ýylyň içinde ilkinji gezek Gucci başky iki setire düşmedi.
Moda harytlarynyň gözlegine ýöriteleşdirilen Lyst platformasy 2019-njy ýylyň üçünji çarýeginde internetde iň meşhur brendleriň reýtingini neşir etdi. Onda birinji orny Wirjil Ablonyň ýolbaşçylyk edýän Off-White brendi eýeledi. Bu soňky dört çärýegiň dowamynda The Lyst Index-iň hasabaty boýunça ikinji gezek şeýle bolýar. Ikinji orny Balenciaga, üçünji orny bolsa Gucci eýeledi – geçen çärýegiň lideri. Iki ýylyň dowamynda ilkinji gezek brend reýtingde birinji ýa-da ikinji orny eýelemedi. Birinji onluga Versace, Prada, Valentino, Fendi, Burberry, Saint Laurent we Vetements hem girdi. Lyst-yň öz hasabatynda belläp geçýän meşhur moda harytlary barada aýdylanda, sanawyň erkekler üçin niýetlenilen wersiýasyna Moncler brendiniň Bramant kurtkasy baştutanlyk etdi – oňa degişli gözlegler şu ýylyň sentýabr aýynda 92%-e çenli artdy.
Belläp geçsek, hasabata diňe internet arkaly satyn alyp bolýan brendler girýär. Şonuň üçin reýtingde Dior, Chanel, Hermes we onlaýnda asyl hödürlenilmedik ýa-da bölekleýin hödürlenilen beýleki moda öýleri ýok.
Off White iň meşhur moda brendleriniň reýtinginden Gucci-ni gysyp çykardy
- 14.11.2019 05:57
- 2.8k+
