Tesla pikapynyň tanyşdyrylyşynyň senesi belli edildi

Tesla Motors kompaniýasynyň ilkinji elektrik pikapy 21-nji noýabrda görkeziler. Tanyşdyrylyş dabarasy Los-Anjelesda, SpaceX kompaniýasynyň raketa kärhanasyndan uzakda bolmadyk ýerde gurnalar.
Tanyşdyrylyş dabarasynyň senesi barada Ilon Mask özüniň Twitterinde ýazýar we muňa ynanmak bolar, çünki Teslany esaslandyryjy iň ähmiýetli habarlary şol ýerde neşir etmegi makul bilýär. Tanyşdyrylyş dabarasynyň ýany bilen Mask täzeligiň özi hakynda hem birnäçe maglumatlary habar berdi.
Şonuň netijesinde belli boldy, ýagny uly pikap alty adam ýerleşer ýaly iki sany kabina bilen üpjün ediler. Batareýi zarýadlamasyz ol, takmynan, 650-den 800 kilometre çenli ýoly geçip biler. Ulagyň baza wersiýasy iki sany elektrik enjamy bilen üpjün ediler.
Şeýle-de täzeligi doly herekete getiriji we adaptiw pnewmatik asmasy bilen üpjün ederler. Dizaýn barada gürrüň edilende, Maskyň aýtmagyna görä, bu “Бегущий по лезвию” filimindäki älemden gelen futuristik maşyn bolar.
Şeýle-de, Mercedes-Maybach-yň ilkinji krossoweriniň hem tanyşdyrylyş dabarasy belli edildi.
Bu hem 21-nji noýabrda hytaý Guançžounyň awtosalonynda görkeziler. Awtomobil ajaýyp brendiň ilkinji seriýaly modeli bolar. Tehnikasy barada gürrüň etsek, häzirki wagtda awtomobil doly derejede adaty GLS bilen çaknyşar. Onuň hem iki turbinaly dört litrlik V8-e eýe boljakdygy barada çaklama bar, ýagny V8-iň saýlama wersiýasynda GLS 490 at güýjüni we 700 N.m aýlanyş mümkinçiligini berýär. Transmissiýa – 9 basgançakly.
Daşky görnüşi barada aýdylanda, köp dizaýner çözgütleri 2018-nji ýylda Pekin awtosalonynda tanyşdyrylan elektrik konsept-kar Mercedes-Benz Vision Maybach Ultimate Luxury-dan kabul edilip alynar. Ýöne krossoweriň seriýaly ýerine ýetirilişi konseptden has sadarak görüner.