Türkmenistanly kibersportsmenler Almatadaky elektron sport ýaryşyna gatnaşarlar

Türkmenistandan, Gazagystandan, Özbegistandan, Gyrgyzystandan we Täjigistandan iň ökde geýmerler 16-17-nji noýabrda Almatada geçiriljek World Electronic Sports Games 2019 Central Asia kibersport ýaryşyna gatnaşarlar. Bu barada ORIENT agentligi habar berýär.
Oýunlaryň maksatnamasyna däp bolan dört sany dissiplina girdi: Counter-Strike: Global Offensive (CS:GO), Dota 2, StarCraft II, Pro Evolution Soccer 2020.
Bu ýaryş Malaýziýada geçiriljek indiki tapgyr üçin kwalifikasiýa meýdançasy bolar. CS:GO we Dota 2 boýunça iki sany ýeňiji, şeýle hem StarCraft II we Pro Evolution Soccer 2020 boýunça ýeňijiler 2020-nji ýylyň 2-5-nji ýanwarynda Kuala-Lumpurda geçiriljek Aziýa-Ýuwaş ummany ýurtlarynyň arasynda saýlama tapgyryna gatnaşmaga mümkinçilik alarlar.
Gazagystanda geçiriljek sebitleýin kiber ýaryşda Türkmenistana şu toparlar wekilçilik eder:
• CS:GO – «Galkynyş» topary
• Dota 2 — «Gravity» topary
• PES 2020 — Arif Guseýnow.
«Galkynyş» topary milli saýlama oýunlarynyň ýeňijisi, WESG 2018 Central Asia we Aşgabat – 2017 oýunlaryna gatnaşyjy bolup durýar. geçen oktýabrda «Galkynyş» bassyr üçünji ýyl Counter Strike:Global Offence boýunça WESG Turkmenistan-yň ýeňijisi bolmagy başardy.
Türkmenistanyň 2018-nji ýylda döredilen Elektron sport milli federasiýasy täze dörän sport birleşigidir. Muňa garamazdan, geçen ýylda ol Elektron sportuň Aziýa federasiýasynyň agzasy boldy we 1000-den gowrak agzanyň gatnaşmagynda 10-dan gowrak ýaryş gurnady we geçirdi. 2020-nji ýyldan başlap Federasiýa Türkmen intellektual-kibersport mekdep ligasyny ýola goýmagy meýilleşdirýär.