1-nji noýabrda Russiýanyň medeni paýtagtynda – Sankt-Peterburgda türkmen hudožnikleriniň suratlarynyň “Türkmenistan – ylham jülgesi” atly sergisi açylar. Bu barada ORIENT habar berýär.
Suratlar bilen türkmen suratçylarynyň özleri tanyş ederler, şol sebäpli sergä gelýän adamlaryň ussatlar bilen gürrüňdeş bolmagyna, olaryň döredijiligi barada soraglar bermegine uly mümkinçilik bar.
Şeýle-de çäräniň barşynda Türkmenistanyň prezidenti Gurbanguly Berdimuhamedowyň “Türkmen alabaýy” kitaby bilen tanyşdyrylar. Kitapda itiň iň bir belli we gadymy tohumynyň gelip çykyşy we ösüşi barada gürrüň berilýär.
Agşamyň dowamynda peterburglylar Türkmenistanyň döwrebap medeniýeti we onuň däp aýratynlyklary bilen tanyşarlar.
Suratlaryň ýanynda, sergide nepis bezeg-şaýlary,amaly-haşam sungatynyň eserleri, milli geýimler we tagamlar hödürleniler.
Türkmenistanyň Russiýa Federasiýasyndaky ilçihanasynyň dünýä türkmenleriniň ynsanperwer birleşigi bölüminiň goldamagy bilen guralýan çäre “Russiýa – meniň taryhym” atly multimedia seýilgähinde geçer.
Sankt-Peterburgda türkmen suratkeşleriniň eserleriniň sergisi geçer
- 27.10.2019 22:31
- 4.1k+
