Ýatmazyňdan öň naharlanmagyň saglyga zyýany

XXI asyrda adamlaryň köp bölegi arkaýyn naharlanmak üçin hatda ýarym sagadyny hem aýryp bilmeýärler. Köplenç bolsa nahar iýmeli wagt hem geçirilýär, netijede biziň organizmimiz iýmiti gije talap edip başlaýar. Emma agşamlygyna iýp-içmek maslahat berilmeýär. Sebäbi biz iýenimizde biziň metabolizmiz ýokarlanýar. Uky wagtynda organizm dynçlyk ýagdaýda bolýar, emma ukudan öň iýp-içmek bilen bolsa siz öz organizmiňizi gereginden artyk işlemeklige getirýärsiňiz. Biz ýatan wagtymyzda organizmiň bir bölegi işjeň zähmet çekýär. Netijede bolsa, siz özüňizi irden ýadaw we ysgynsyz duýýarsyňyz. Sebäbi organizm dynç alyp bilmedi.
Köp adamlar gije iýmegiň diňe öz agramyna üns berýänler we horlanmak isleýänler üçin zyýanly diýip pikir edýärler. Ýöne, gynansakda, bu esasy zat däl. Aşakda gije näme üçin naharlanmaly däldigiň sebäpleriniň sanawy görkezilen:
-Siziň iýmit siňdiriji sistemaňyz dynç almasyz gije-gündiz hereketde bolýar, bu bolsa onuň işine ýaramaz täsir edýär;
-Içki organlar ýaramaz işläp başlaýar;
-Semizlige getirýär;
-Ösüş garmonlarynyň işlenip çykarylmasy peselýär;
-Uky berk bolman başlaýar. Hünärmenler ukudan öň doýup naharlanmagyň gorkunç düýşleri görmeklige getirýändigini tassyklaýarlar.
Gijesine, elbetde, iýmek bolar. Esasy zat ýatmazyňyzdan 2-3 sagat öň naharlanmaly. Eger-de siz 22:00-da ýatýan bolsaňyz, onda siz 19:00-20:00-da agşamlyk edinmeli. Bu wagt iýmitiň siňmegi üçin ýeterlik. Gartaşan adamlara 5 sagat öň naharlanmak maslahat berilýär. Çagalara we 25 ýaşa çenli adamlara ukudan öň aç bolmak, şeýle-de aşa doýmaklyk bolmaýar. Muňa garamazdan, agşamlygy dogry edinmeli. Käbir önümleri ukudan öň asla iýmeli däl:
-çörek-bulka önümlerini;
-süýji zatlary;
-süýji ir-iýmişleri;
-kakadylan önümleri;
-eti;
-duzlanan önümleri we marinadlary;
-hoz;
-brokkol;
-kelem;
-sogan;
-süle ýarmasyny.
Şeýle-de, kofe, gazlandyrylan we alkogol içgileri hem içmeli däl. Hünärmenler gowrulan iýmitleri iýmegi-de maslahat bermeýärler.
Ýatdan çykarmaň, agşam iýmek siziň diňe bir agramyňyza täsirini ýetirmez. Ol ukusyzlyk, agyr keselleme ýa-da wagtyndan öň garrama ýaly has erbet netijelere-de getirip biler.