Sloy – “Ýandeksiň” täze, uly bir oýlap tapyşy. Bu moda we stil baradaky hakykata ýakyn tehnologiýaly programma, ol gysga wideolary düşürmäge mümkinçilik berýär we adamlaryň nähili geýimleri geýendigini kesgitleýär, şeýle-de ýazgy wagtynda AR-effektleri – maskalary we filtrleri goşmaga mümkinçilik berýär. Wideony göni programmanyň özünde montaž etmek bolýar. Bu barada kompaniýada vc.ru gürrüň etdi.
Ulanyjylar özleriniň lentasynda redaktoryň kömegi bilen effektleri, filtrleri we maskalary, Sloy katalogyndan aýdymlary goşup, wideorolikleri goýup bilerler. Şeýle-de her bir ulanyjynyň şahsy maslahat lentasy bar. Wideolary teswirlemek we olary öz “kolleksiýaňda” alyp galmak hem bolýar.
Bu programmada kompýuter görejiniň kömegi bilen serwis wideodaky geýimleri kesgitleýär we olaryň atlaryny aýdýar. Şol zatlara basmak bilen ulanyjy meňzeş predmetli wideolary görüp bilýär.
Bu programmanyň Android üçin niýetlenilen wersiýasyny kompaniýa 2020-nji ýylda işe goýbermegi göz öňünde tutýar. Serwis ulanyjylar üçin mugt.
Kompaniýada vc.ru bilen söhbetdeşlikde programmanyň esasy maksadynyň gatnaşygy ýola goýmakdygy bellenilip geçildi. Onuň niýetlenilen auditoriýasy 12-den 25 ýaşa çenli aralykdaky adamlar. “Ýandeks” Sloy programmasyny 2019-njy ýylyň iýun aýynda testleşdirdi. Teste üç müňden gowrak ulanyjy, şol sanda moda we stil sferasynda 100 bloger gatnaşdy. Serwisiň üstünde “Ýandeks. Dzena”-nyň birnäçe işgärleri işlediler.
“Ýandeks” wideodaky geýimleri kesgitleýän Sloy moda programmasyny işe girizdi
- 24.10.2019 10:38
- 5.1k+
![“Ýandeks” wideodaky geýimleri kesgitleýän Sloy moda programmasyny işe girizdi](https://tmcars.info/tmcars/images/original/2019/10/24/10/39/205f965b-24f9-4493-977a-e5248a36eeb9.jpg)