8-nji oktýabrda ÝUNESKO-nyň Pariždäki ştab-kwartirasyny Kabul edişler zalynda türkmen modelýerleriniň kolleksiýalarynyň sergi-görkezilişi gurnaldy. Bu barada «Türkmenistan: Altyn asyr» saýty habar berýär.
Türkmenistanyň Fransiýadaky ilçihanasy tarapyndan gurnalan çärä Mejlisiň, ministrlikleriň we edaralaryň, Fransiýanyň jemgyýetçiliginiň wekilleri, şeýle hem ÝUNESKO-nyň ştab-kwartirasynyň ýolbaşçylary we işgärleri, halkara guramalarynyň wekilleri, diplomatik korpusyň agzalary gatnaşdylar. Sergä we moda görkezilişine habar beriş serişdeleriniň we türkmen jemgyýetçiliginiň wekilleri gatnaşdylar.
Ýokary çeperçilik bilen ýerine ýetirilen halylar, haly tehnikasynda ýerine ýetirilen dürli aksessuarlar, milli zergärçilik bezegleri we sowgatlyklary, ýüpek matalardan ketenileriň nusgalary sergi-görkezilişiň esasy özüne çeken önümleri boldy.
Serginiň kitap bölüminde Prezident Gurbanguly Berdimuhamedowyň işleri, şeýle hem dürli neşir önümleri, foto albomlar, bukletler ýerleşdirildi. Türkmenistanyň jemgyýetçilik durmuşynyň ähli ulgamlarynda amala aşyrylýan giň möçberli özgertmeleri beýan edýän wideofilm serginiň mazmunynyň üstüni ýetirdi.
Parižde türkmen modelýerleriniň sergi-görkezilişi geçirildi
- 10.10.2019 05:47
- 5k+
