«AirHelp» kompaniýasy dünýäniň iň gowy howa menzilleriniň we awiakompaniýalarynyň reýtingini düzdi. 134 sany howa menzili uçuş tertibiniň berjaý edilişi, hyzmatyň hili we restoranlaryň we söwda dükanlarynyň barlygy boýunça bahalandyryldy, diýip Lenta.ru saýty habar berýär.
Iň gowy howa menzili hökmünde Katardaky «Hamad» aeroporty ykrar edildi. Ikinji ýerde Tokionyň howa menzili, üçünji ýerde bolsa, Afinanyň howa menzili durýar.
Reýtingiň onlugyna şeýle hem Afonsu Pena (Braziliýa), Lýoh Walens adyndaky Gdansk aeroporty (Polşa), Şeremetýewo (Russiýa), Çangi (Singapur), Radjiw Gandi adyndaky halkara aeroport (Hindistan), Tenerif Norte adyndaky aeroport (Ispaniýa) we Wirakopus (Braziliýa) howa menzilleri girdi.
Awiakompaniýalara bolsa, uçuş tertibiniň berjaý edilişi, uçuşyň hili we bileti tiz wagtda yzyna gaýtaryp bilmek mümkinçiligi boýunça baha berildi. Reýtingde 1-nji ýeri «Qatar Airways» kompaniýasy, onuň yzyndan bolsa, «American Airlines» we «Aeromexico» kompaniýalary durýar. Sanawyň dowamynda «SAS Scandinavian Airlines», «Qantas», «LATAM Airlines», «WestJet», «Luxair», «Austrian Airlines» we «Emirates» awiakompaniýalary iň gowular hökmünde ykrar edildi.
«Hamad» we «Qatar Airways» — dünýäniň iň gowy howa menzili we awiakompaniýasy
- 13.05.2019 08:35
- 2.9k+
