Xiaomi kompaniýasy EOS (End of Support) derejesine ýeten smartfon modelleriniň sanawyny täzeledi. Onuň täze görnüşine birnäçe gymmat bolmadyk modeller goşuldy. Indi olar üçin hiç hili täzelenmeler – täze programma üpjünçiligi-de, howpsuzlyk täzelenmeleri-de çykarylmaz. Bu barada ixbt.com habar berýär.
Indi goldawa eýe bolmajak smartfon modelleriniň sanawyna Xiaomi Mi 8, Mi 9 we Redmi 7A goşuldy. Bu gurluşlar iň soňky täzelenme hökmünde MIUI 12.5-i aldy. 25-nji awgustdan başlap görkezilen modeller Xiaomi-den hiç hili howpsuzlyk ýa-da MIUI programma üpjünçiliginiň täzelenmesine eýe bolmaz.
Ulanyjylara könelişen gurluşy ulanmak bilen baglanyşykly töwekgelçiliklerden habarly bolmak möhümdir – köne gurluşlar eksploýtlaryň dürli görnüşlerine has gowşak bolup biler. Eger sizde Xiaomi-niň Xiaomi EOS sanawyna goşulan gurluşy bar bolsa, howpsuzlyk boýunça hünärmenler has täze modellere geçmegi maslahat berýärler.