Dell-iň girdejisi II maliýe çärýeginde çaklamalardan pes boldy

Dell-iň girdejisi II maliýe çärýeginde çaklamalardan pes boldy

Dell Technologies Inc. 2023-nji maliýe ýylynyň ikinji çärýeginde girdejisini analitikleriň çaklamalaryndan gowşak ýokarlandyrdy we arassa girdejisini azaltdy. Bu barada interfax.ru habar berýär.

Kompaniýanyň metbugat relizinde aýdylyşyna görä, onuň 29-njy iýulda tamamlanan çärýekdäki girdejisi 9%, geçen ýylyň degişli döwründäki 24,19 mlrd dollardan 26,43 mlrd dollara çenli ýokarlandy. FactSet tarapyndan sorag edilen hünärmenler bu görkezijiniň ortaça 26,5 mlrd dollar derejesinde bolmagyny çaklapdylar.
Müşderi çözgütleri bölüminiň girdejisi 9%, 15,49 mlrd dollara çenli, infrastruktura çözgütleri bölüminiň girdejisi 12%, 9,54 mlrd dollara çenli ýokarlandy.
Arassa girdeji 20% azalyp, bir ýyl ozalky 629 mln dollar ýa-da paý üçin 0,8 dollar bilen deňeşdirilende, 506 mln dollar ýa-da paý üçin 0,68 dollar boldy.
Korrektirlenen girdeji bir ýyl ozalky paý üçin 1,48 dollar bilen deňeşdirilende, paý üçin 1,68 dollar boldy. Kompaniýanyň operasion girdejisi 25% ýokarlanyp, 1,27 mlrd dollara ýetdi.
Dell-iň paýnamalary penşenbe güni geçirilen söwdada 5,45% arzanlady. Ýylyň başyndan bäri olaryň bahasy 14,7% pese düşdi.