Maliýe «feýr-pleýi» bozandygy üçin UEFA «PSŽ» bilen «Marsele» temmi berer

Maliýe «feýr-pleýi» bozandygy üçin UEFA «PSŽ» bilen «Marsele» temmi berer

Ýewropa futbol assosiasiýalarynyň bileleşigi (UEFA)  maliýe "feýr-pleýini" bozandygy üçin «PSŽ» we «Marsel» fransuz klublaryna temmi berer. Bu barada anna güni  L'Equipe fransuz gazeti habar berdi diýip, TASS ýazýar.

Soňky üç maliýe ýylynyň içinde 30 mln ýewrodan geçýän ýitgileri üçin UEFA-nyň klublara maliýe gözegçiligini amala aşyrýan edarasy geçen ýylyň iýunyndan bäri Pariž klubuny göz astyna alýar diýip, habar berilýär. L'Equipe-niň belleýşine görä, "Marseliň" ýitgisiniň möçberi o diýen uly däl.
Fransuz klublarynyň ikisine hem beriljek temmi maliýe häsiýetli bolar. Klublar, has çynlakaý sanksiýara sezewar edilmez ýaly, indiki üç möwsümde ýagdaýy düzetmeli bolarlar.
Geçen möwsümiň jemleri boýunça «PSŽ» Fransiýanyň çempiony boldy, «Marsel» bolsa ikinji ýeri eýeledi. Toparlaryň ikisi hem 2022/23 möwsümiň Çempionlar ligasynyň toparlaýyn tapgyrynda çykyş ederler.