Ýaponiýanyň Panasonic korporasiýasy ABŞ-nyň Kanzas ştatynda 4 mlrd dollarlyk elektromobiller üçin akkumulýatorlary öndürýän zawod gurmagy meýilleşdirýär. Bu barada “The Wall Street Journal” gazeti habar berýär diýip, TASS belleýär.
Onuň maglumatlaryna görä, bu zawod akkumulýatorlaryň önümçiligi pudagynda iň uly kärhanalaryň biri bolar. Şol bir wagtyň özünde, ol 4 müňe çenli iş ornuny döreder diýlip çak edilýär.
Gazetiň belleýşi ýaly, Tesla elektromobilleri üçin batareýa öndürýän Panasonic-iň Newada ştatynda akkumulýatorlary çykarmak boýunça bu amerikan kompaniýasy bilen eýýäm bilelikdäki kärhanasy bar.