Xiaomi-niň meşhur smartfony könelişen diýlip ykrar edildi

Xiaomi-niň meşhur smartfony könelişen diýlip ykrar edildi

Hytaýyň Xiaomi kompaniýasy Redmi hatarynyň meşhur smartfony K20 Pro-ny könelişen diýip yglan etdi. Bu barada Gizmochina portaly habar berýär diýip, gazeta.ru belleýär.

Bellenilişi ýaly, indi dünýäniň ähli ýerinde Redmi K20 Pro modelleri täzelenen programma üpjünçiligine, şol sanda howpsuzlyk üýtgemelerine, MIUI operasion ulgamynyň we Android operasion ulgamynyň täze wersiýalaryna eýe bolmaz.
Çen bilen, bir aý mundan öň Redmi-niň standart modeli – K20 hem könelişen diýlip ykrar edildi. Redmi K20 Pro gajeti käbir ýurtlaryň bazarlarynda Mi 9T Pro ady bilen bellidir. 
Smartfon 2019-njy ýylyň maý aýynda Android 9.0 Pie esasly MIUI 10 programma üpjünçiligi bilen çykaryldy. Häzire çenli ol MIUI bilen Android-iň iki gezek täzelenmesine eýe boldy. Häzirki wagtda gurluş Android 10-a esaslanýan MIUI 12.5-iň dolandyrmagynda işleýär. Resmi däl maglumatlara görä, şeýle karar Redmi K hatarynda täze smartfony çykarmak meýilnamalary bilen baglanyşykly.