Koronawirusa garşy mRNK-waksinany işläp taýýarlan Moderna farmasewtika kompaniýasy maýmyn mamasyna garşy mümkin bolan waksinalary synagdan geçirmäge başlady. Bu barada Moderna Twitterdäki mikroblogynda habar berdi. Reýter habarlar agentligi synaglar boýunça goşmaça maglumat bermeklerini sorap, kompaniýa haýyş hatyny ýollady, emma häzirlikçe jogap almady.
Häzirki pursatda BSGG-i endemiki däl ýurtlarda maýmyn mamasynyň 131 sany tassyk bolan we ýene 106 sany ýokuşan bolmagy ähtimal hasaplanýan ýagdaýlary hakynda habar berýär. Gurama häzirki wagtda maýmyn mamasyna garşy köpçülikleýin waksina etmegi dikeltmäge sebäp ýok diýip tassyklaýar. BSGG-niň maglumatlaryna görä, tebigy mamanyň waksinasy maýmyn mamasyna garşy göreşde 85% netije berýär.
Germaniýa maýmyn mamasynyň ýaýramagynyň öňüni alyş çäresi hökmünde tebigy mamanyň 40 müň dozalyk waksinasyny eýýäm sargyt etdi we ýokuşanlar üçin 21 günlük karantin girizdi. Fransiýanyň saglygy goraýyş ministrligi ýurtda mama garşy köpçülikleýin sanjym işlerini geçirmegi maslahat berýär.