2021-2022-möwsüminde Angliýanyň Premýer-ligasynyň 38-nji tapgyr duşuşygynda «Mançester Siti» «Aston Willany» kabul etdi. Duşuşyk Mançesterdäki «Etihad» stadionynda geçirildi we ýer eýeleriniň 3:2 hasabynda ýeňmegi bilen tamamlandy.
37-nji minutda «Aston Willanyň» ýarym goragçysy Metti Keş gol geçirdi, oňa pökgini Luka Din berdi. 69-njy minutda «Aston Willanyň» braziliýaly ýarym goragçysy Filippe Koutinýo gol bilen tapawutlandy, oňa Olli Uotkins ýardam etdi.
76-njy minutda «Mançester Sitiniň» oýunçysy Ilkaý Gýundogan Rahim Sterlingiň pasyndan soň «Aston Willadan» aratapawudy azaltdy, iki minutdan soň Rodrigo Ernandes gol geçirdi. 81-nji minutda Ilkaý Gýundogan toparynyň üçünji goluny girizdi.
«Mançester Siti» 38 duşuşykda 93 utuk gazanyp, Angliýanyň çempiony boldy. Ol ikinji orunda gelýän “Liwerpuldan” bir utuk öňe geçdi. “Aston Willa” (45) 14-nji orunda ýerleşýär.
