Apple Russiýada önümleriniň satuwyny togtatdy we serwisleriň işini çäklendirdi

  • 03.03.2022 17:00
  • 8.5k+

Apple kompaniýasy Russiýada önümlerini satmagy bes edýär we hyzmatlaryň işini çäklendirýär. Bu barada kompaniýanyň beýannamasynda aýdylýar diýip, TASS habar berýär.

“Biz Russiýada ähli harytlarymyzyň satuwyny bes etdik. Geçen hepde biz ýurtdaky distribýutorlarymyza eksporty togtatdyk. Apple Pay-iň we beýleki hyzmatlaryň ulanylmagy çäklendirildi. RT News we Sputnik News programmalary Russiýanyň çäginden daşary App Store-den ýüklemek üçin elýeterli däl. Biz ukrainaly raýatlar üçin howpsuzlyk çäresi hökmünde Apple Maps-de trafigiň görkezilmegini we bolup geçýän wakalaryň habar berilmegini aýyrdyk” – diýlip, beýannamada aýdylýar. 

Apple-iň Russiýada resmi saýtynda harytlary satyn almak mümkinçiligini ýapandygyna TASS-yň habarçysy göz ýetirdi. Ähli harytlarda “eltip bermek” sütüninde “häzirki wagtda elýeterli däl” diýlip görkezilýär.
Häzirki wagtda resmi saýtda iPhone, iPad, MacBook, Apple Watch, AirPods we “akylly” öý üçin harytlary satyn almak mümkin däl.
24-nji fewralda ABŞ Ukrainada ýörite harby hereketleriň başlamagy bilen baglylykda Russiýa üçin mikroelektronikany, şeýle-de awionikany we howa gämileri üçin bölekleri eksport etmäge ygtyýarnama almak düzgünlerini güýçlendirdi.


28.11.2025 11:28
1.2k+

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

28.11.2025 11:03
2.2k+

Apple-iň döredilmegi baradaky hakyky şertnama auksionda satylar, ol $4 mln diýlip bahalandyrylýar

1976-njy ýylda Apple Computer Company kompaniýasynyň döredilmegine getiren hakyky esaslandyryjy şertnama auksiona çykarylar. Resminama 4 mln dollar töweregi mukdara satylar diýlip garaşylýar. Christie's auksion öýi ony 2026-njy ýylyň 23-nji ýanwarynda satuwa çykarar...

27.11.2025 11:04
3.5k+

Internete arzan iPhone 17e-niň häsiýetnamasy ýaýradyldy: kesiksiz, Dynamic Island-ly

2026-njy ýylyň ýazynda 17-nji hataryň iň arzan aýfony bolan iPhone 17e-niň çykmagyna garaşylýar. Pudagyň seljerijisi Jeff Pu eýýäm smartfonyň nähili boljakdygyny anyklady. Onuň sözlerine görä, täzelenme düýpli bolar...

23.11.2025 20:58
4.5k+

iPhone Air-iň baş dizaýneri Apple-den gitdi

Senagat dizaýneri Abidur Çoudhuri Apple kompaniýasyndan gitdi. Ol kompaniýanyň iň soňky modelleriniň biri bolan iPhone Air-iň esasy işläp düzüjisi bolupdy diýip, 9to5mac çeşmelerine salgylanyp habar berýär. Habar beriş serişdeleriniň maglumatlaryna görä, Çoudhuri emeli aň tehnologiýalarynyň üstünde işleýän bir startapa (ýa-da başlangyja) işe girdi...