Internetde Oksford uniwersitetiniň alymlary Aris Kasurakis bilen Hose Gabriel Nino Barreat tarapyndan geçirilen täze gözlegiň netijeleri peýda boldy. Olar adam DNK-synda öz başlangyjyny dinozawrlar döwründen alyp gaýdýan Mavericks toparyndan gadymy wirusy tapdylar.
Bu ýokanjyň azyndan 105 mln ýyl mundan öň biziň ata-babalarymyzyň genlerine düşendigi habar berilýär.
Belli bolşy ýaly, häzirkizaman wiruslary özleriniň RNK-genleriniň DNK-nusgalaryny ýokanç degirýän öýjükleriniň genomyna işjeň ornaşdyrýan retrowiruslardyr. Adamyň genomy 5%-den 10%-e çenli retrowiruslaryň “hapa DNK-syndan” ybarat. Ýakynda tapylan gadymy wiruslar alymlara Mavericks hökmünde belli bolan gadymy DNK-wiruslarynyň toparyna degişlidir.
Gyzykly ýeri, mundan öň gadymy wiruslaryň yzlary balyklarda, amfibiýalarda we reptililerde tapyldy. Şol bir wagtyň özünde, täze tapylan DNK-wirusy adam genomyndaky ýeke-täk wirusdyr we DNK-da iň gadymy retrowirus däl goşulmadyr.