“Möý adam: Öýe ýol ýok” 2021-nji ýylyň iň girdejili golliwud filmi boldy

  • 27.12.2021 18:44
  • 5.3k+

“Möý adam: Öýe ýol ýok” lentasy 2021-nji ýylyň iň köp girdeji gazanan golliwud filmi boldy. Kartina prokatda 800 mln dollar ýygnady diýip, www.m24.ru habar berýär. 

Bu filmden diňe Hytaýyň “Çosin suw howdanyndaky söweş” we “Salam, eje” filmleri öňe geçýär. Olar prokatda, degişlilikde 902 we 882 mln dollar gazandylar. Ähtimal, eýýäm indiki hepde Sony bilen Marvel-iň filmi olardan öňe geçer. Şeýle depgin bilen “Öýe ýol ýok” filminiň pandemiýa döwründe 1 mlrd dollar bellikden geçen ilkinji film bolmagyna ähli mümkinçilikler bar.

Şeýle netijeleriň Hytaýda prokata çykmazdan gazanylmagy bolsa aýratyn haýran galdyryjydyr. Diňe ilkinji dynç günleri film 587,2 mln dollar gazanyp, pandemiýa döwründe iň gowy başlangyjy görkezdi, Sony studiýasy üçin bolsa bu taryhda ilkinji dynç günleriniň rekord ýygymydyr. 

Mundan öň pandemiýa döwründe Golliwudyň iň köp girdeji gazanan kinosy Jeýms Bond hakynda “Ölmegiň wagty däl” filmi bolupdy. Onuň prokatda gazanan girdeji ýygymy 733 mln dollardan geçdi. 

düýn 22:31
403

GQ Japan neşiri Hideo Kodzimany ýylyň «Iň gowy döredijisi» diýip yglan etdi

GQ Japan žurnaly Hideo Kodzimany «Ýylyň adamy» (Man of the Year) nominasiýasynda 2025-nji ýylyň «Iň gowy döredijisi» diýip yglan etdi. Neşiriň redaksiýasynyň pikirine görä, bu dörediji diňe bir oýun döretmek bilen çäklenmän, eýsem, kino we interaktiw mediýanyň arasyndaky serhetleri ýok edip, düýbünden täze görnüşli güýmenjeleri oýlap tapýar...

düýn 21:19
2.7k+

ABŞ-da 74 ýaşly adam ogullyga alyndy we Ginnesiň rekordlar kitabyna girdi

Ginnesiň rekordlar kitaby ABŞ-nyň Pensilwaniýa ştatyndan bolan Bill Steýns baradaky täsin wakany gürrüň berýär. Birnäçe ýyl mundan ozal ol dünýäde ogullyga alnan iň garry adam boldy — ogullyga alnan wagtynda ol 74 ýaş we 303 günlükdi...

düýn 21:08
1k+

Kwentin Tarantino "Açlyk oýunlarynyň" döredijilerini plagiatda aýyplady

Režissýor Kwentin Tarantino "Açlyk oýunlary" (The Hunger Games) franşizasynyň 1999-njy ýylda çykan "Şa söweşi" (Battle Royale) atly ýapon romanyndan we onuň film adaptasiýasyndan göçürilip alnandygyny (plagiatdygyny) öňe sürdi diýip, "The Hollywood Reporter" neşiri habar berýär...

düýn 19:41
4k+

Dünýäde iň kiçi aty Ginnesiň rekordlar kitabyna girizildi

Pumukel atly at dünýäniň iň kiçi aty hökmünde Ginnesiň rekordlar kitabyna girdi. Onuň geriş beýikligi bary-ýogy 52,6 santimetr. Pumukel Germaniýadaky bir fermada ýaşaýar. Onuň eýesi Karol Waýdmann atyny bäş ýyl mundan ozal, ol entek kiçijik taýçanakka özüne aldy...