Gazprom VKontakte we Mail.ru (VK) sosial ulgamlaryny satyn aldy

Gazprom VKontakte we Mail.ru (VK) sosial ulgamlaryny satyn aldy

Internet torunda ozal Mail.ru Group diýlip tanalan VK kompaniýasynyň iň uly ses paýdaryny üýtgedýändigi barada habar peýda boldy. Paýdarlardan SOGAZ topary bilen Alişer Usmanowyň USM-i orunlaryny çalyşýarlar. Bu barada Kommersant-a salgylanyp, ferra.ru habar berýär.

Mundan ozal, noýabr aýynyň ahyrynda Sberbankyň VK-daky ikinji uly paýyny Gazprombank-a satandygyny göz öňünde tutsak, häzirki wagtda Gazpromyň gurluşlary IT ägirdiniň ses paýlarynyň köpüsini eýeleýär.

VK-nyň paýdarlygyna goşulmak köp babatda ösüşe itergi boldy we holdingimiziň taryhynyň möhüm bölegine öwrüldi. Biziň çemeleşmämiz - ýaş we gujurly menejment üçin aňrybaş hereket azatlygydyr, şonuň üçin mundan üç ýyl ozal men we meniň hyzmatdaşlarym bolup VK-daky paýnamalarymyz bilen ses bermek hukugyny onuň dolandyryşyna geçirdik. Häzirki wagtda biz kompaniýanyň kapitalyndan çykýarys we ony auditoriýasynyň sany boýunça-da, maliýe ölçegleri babatda-da görkezijileriň iň ýokary derejesinde galdyrýarys - diýip, Alişer Usmanow belledi.

Belläp geçsek, Mail.ru Group-yň ady VK adyna 2021-nji ýylyň 12-nji oktýabrynda üýtgedilipdi. Täze kompaniýa bu ady öz taslamalarynyň biri bolan “VKontakte”-yň hormatyna aldy.