Dubaýda (BAE) rus grossmeýsteri Ýan Nepomnýaşiý 24-nji noýabrdan 16-njy dekabr aralygynda küşt boýunça dünýä çempiony diýen at ugrunda norwegiýaly Magnuson Karlsen bilen güýç synanyşar. Bu barada sanktpeterburg.bezformata.com habar berýär.
Duşuşyk 14 oýun dowam eder. 7,5 utuk gazanan grossmeýster Dünýä çempiony bolar.
Final oýny 14-nji dekabrda meýilleşdirilýär.
Dünýä çempiony diýen at ugrundaky oýnuň baýragy, azyndan, 2 million ýewro bolar.
Ýan Nepomnýaşiý 2010-njy ýylyň Ýewropa boýunça çempiony, iki gezek Dünýä çempionatynyň ýeňijisi (2013 we 2019-njy ýyllarda), Küşt boýunça dalaşgärler ýaryşy-2020/2021-iň çempiony.
Norwegiýaly Magnus Karlsen küşt boýunça üç kategoriýada dünýä çempionydyr.