Günbatar metbugatynyň habaryna görä, mundan beýläk Hytaýyň Prezidenti Si Szinpin "Hytaý galkynyşynyň serdary" diýlip atlandyrylar. Muny Hytaý Kommunistik partiýasynyň wekili aýtdy diýip, interfax.ru habar berýär.
Häzirki wagta çenli şeýle ada diňe Hytaý Halk Respublikasynyň düýbüni tutujy Mao Szedun eýe bolupdy, ýagny Hytaýda oňa "Beýik Serdar" diýilýär.
Ýakynda Hytaý Kommunistik partiýasynyň Merkezi komiteti partiýanyň geçen asyrda, şol sanda Si Szinpiniň ýolbaşçylygynda gazanan üstünlikleri beýan edilýän "taryhy kararnamany" kabul etdi. Resminama HHR-iň häzirki Prezidentiniň syýasatyny goldamagy dowam etdirmäge çagyrýar. Habar beriş serişdeleriniň habaryna görä, bu hytaý lideriniň ygtyýarlyklarynyň has-da güýçlenmegine itergi berýär.
Si Szinpiniň "taryhy kararnamasynyň" kabul edilmegi onuň ýeterlik derejede meşhurlyk gazanandygyny aňladýar. Bu bolsa oňa HHR-iň baştutany wezipesine üçünji möhlete saýlanmaga dalaş etmegine mümkinçilik döredýär. Üçünji möhlet 2027-nji ýyla çenli dowam edýär.
Belläp geçsek, Si Szinpin 2013-nji ýylyň mart aýyndan bäri Hytaý Halk Respublikasynyň Prezidentidir.
