Horwatiýaly tennisçi Marin Çiliç Sankt-Peterburgda geçirilen baýrak gaznasy 860 müň dollardan geçýän tennis ýaryşynyň finalynda amerikaly Teýlor Fritsden üstün çykdy.
Duşuşyk 7:6 (7:3), 4:6, 6:4 hasabynda Çiliçiň peýdasyna tamamlandy. Oýun 2 sagat 23 minut dowam etdi.
Çiliç häzir 33 ýaşynda bolup, ol Professional tennisçileriň birleşiginiň (ATP) reýtinginde 35-nji ýerde durýar. Bu ýeňiş onuň Aziýa-Ýuwaş ummany sebitiniň howandarlygyndaky ýaryşlarda karýerasyndaky 20-nji ýeňşi boldy. Şolaryň hatarynda ol iki gezek Moskwanyň Kreml kubogyny hem aldy.
Sankt-Peterburgda geçirilen ýaryşda Çiliç öň 2011-nji ýylda-da ýeňiji bolupdy. Şeýle hem ol 2021-nji ýylda Ştutgartda geçirilen ýaryşda-da ýeňiş gazandy.