Boks boýunça agyr agramda öňki absolýut dünýä çempiony Maýk Taýson 2022-nji ýylyň fewralynda meşhur YouTube blogçysy Logan Pol bilen duşuşar. Bu barada Drama Alert portalyna salgylanyp, karate.ru habar berdi.
Taýson soňky gezek noýabr aýynda geçirilen görkezme duşuşygynda Roý Jons bilen ringe girdi. Bu tutluşyk doly dowam etdi we eminleriň biragyzdan karary bilen deňme-deň tamamlandy. Maýk professional boksda 50 ýeňiş gazandy we 6 gezek ýeňildi.
Logan Pol barada aýdylanda bolsa, häzirki wagtda sportçynyň hasabynda professional boks boýunça bary-ýogy 1 söweş bar. 2019-njy ýylyň noýabr aýynda Logan eminleriň karary bilen blogçy KSI-den ýeňildi. Pol şu ýylyň 7-nji iýun gijesinde Maýamide bäş agram kategoriýasynda boks boýunça öňki dünýä çempiony Floýd Maýwezer bilen görkezme söweşini geçirdi. Bu söweş doly 8 raund dowam etdi we deňme-deň tamamlandy.
