Donald Tramp özüniň sosial ulgamynyň açylandygyny habar berdi

Donald Tramp özüniň sosial ulgamynyň açylandygyny habar berdi

ABŞ-nyň öňki prezidenti Donald Tramp özüniň “Truth Social” sosial ulgamynyň açylandygyny habar berdi. Şeýdip, Tramp iri tehnologiýa kompaniýalarynyň maglumat monopoliýasyna garşy göreşmegi meýilleşdirýär. Bu barada ferra.ru habar berýär.

Sosial ulgam eýýäm synag üçin taýýar. Indi her kim ondaky garaşylýanlaryň sanawyna ýazylyp biler, munuň üçin adyňy, familiýaňy we e-poçtaňy goýmak ýeterlik. Ulanyjylaryň gatnaşmagyndaky synag 2021-nji ýylyň noýabr aýynda başlar we sosial ulgamyň doly işe girizilmegi 2022-nji ýylyň birinji çärýegine meýilleşdirilýär.

Sosial ulgamyň “Truth Social” diýen ady “Sosial hakykat” diýlip terjime edilýär. Degişli programmanyň eýýäm “App Store”-da peýda bolandygy we bu ýerde sosial tora goşulmak üçin sargyt goýup boljakdygy aýdylýar. Programmanyň nyşany Facebook-a meňzeýär, onuň ýazgysy bolsa “Hakykata eýer” şygary bilen başlaýar.