Netflix amerikan korporasiýasynyň tölegli abuna ýazylyşyk boýunça hyzmatlaryndan peýdalanýan adamlaryň sany dünýäde 214 milliondan geçdi. Muny kompaniýanyň geçen çärýek üçin neşir edilen hasabaty delillendirýär diýip, www.belta.by habar berýär.
30-njy sentýabrda tamamlanan üç aýlyk döwürde Netflix-iň abunaçylary 4,4 mln san köpeldi. Kompaniýanyň beren çaklamasyna görä, şu ýylyň dördünji çärýeginiň ahyryna çenli olaryň sany ýene 8,5 mln birlik, ýagny 222 milliona çenli artar.
Hasabat döwründe kompaniýanyň girdejisi 7,4 mlrd dollardan, düşewündi 1,4 mlrd dollardan geçdi. Şu ýylyň ikinji çärýeginiň jemi boýunça, birinji görkeziji 7,3 mlrd dollar, ikinji – 1,3 mlrd dollar bolupdy.
Netflix 1997-nji ýylda esaslandyryldy. Onuň ştab-kwartirasy Los-Gatosda (Kaliforniýa ştaty) ýerleşýär. Kompaniýa 190-dan gowrak ýurtda akym hyzmatlaryny hödürleýär. 2013-nji ýyldan bäri Netflix öz filmlerini, seriallaryny we telegepleşiklerini surata düşürýär.