UEFA-nyň resmi saýtynda 2028-nji ýyldaky Ýewropa çempionatyny geçirmek üçin arzalaryň kabul edilip başlanandygy barada maglumat peýda boldy. Kontinental futbol forumyny geçirmek isleýän ýurtlar 2022-nji ýylyň mart aýyna çenli arzalary tabşyrmaly. Bu barada euro-football.ru habar berýär.
UEFA eger ýurtlar geografiýa taýdan ýakyn ýerleşýän bolsa, arzalaryň bilelikde hem bolup biljekdigini belleýär. Şol bir wagtyň özünde, Ýewro-2028 üçin awtomatiki kwalifikasiýa ýaryşy geçirjek ýurtlardan iki milli ýygynda kepillendirilýär.
Her bir arza stadionyň talaplaryna laýyk gelmeli. Ýagny, Ýewropa çempionatyny geçirmek üçin dalaşgär ýurtda 10 stadion bolmaly, olaryň azyndan biri 60 müň, ýene azyndan biri, ýöne has gowusy ikisi 50 müň, azyndan dördüsi 40 müň, azyndan üçüsi 30 müň tomaşaçyny sygdyryp bilmeli.
5-nji aprelde UEFA ýaryşy geçirmek üçin dalaşgärleri atlandyrar. Ýewro-2028-i kimiň kabul etjekdigi 2023-nji ýylyň sentýabrynda kesgitlener.
Ýatlap geçsek, indiki Ýewropa çempionaty 2024-nji ýylda Germaniýada geçiriler.
