Serdar Azmun indiki tomusda «Milana» geçip biler

Serdar Azmun indiki tomusda «Milana» geçip biler

"Zenitiň" hüjümçisi Serdar Azmun 2022-nji ýylyň tomsunda erkin agent hökmünde Italiýanyň "Milan" toparyna geçip biler. Bu barada Calciomercato habar berýär.

Mundan başga-da, köpçülikleýin habar beriş serişdeleri 26 ýaşly eýranly futbolçynyň Russiýanyň Premýer-ligasynyň 2021/22 möwsümi tamamlanandan soňra Italiýanyň "Roma" toparyna hem geçip biljekdigini belleýärler. Rimli toparyň baş tälimçisi Žoze Mourinýo Azmuny öz toparynda görmek isleýär.

Mundan öň Fransiýanyň "Lion" toparynyň tomusky transfer penjiresi ýapylmazdan ozal hüjümçini satyn almak isländigi habar berildi. Soňra bolsa "Zenitiň" ony ýerine adam tapyp bilmändigi sebäpli goýbermändigi belli boldy.

“Transfermarkt” portaly eýranly oýunçynyň bahasyny 25 million ýewro diýip çaklaýar. Ýeri gelende bellesek, Russiýanyň Premýer-ligasynyň 2020/21-nji möwsüminde Azmun 24 oýun oýnady we şol oýunlarda 19 gol geçirip, iki asist pasyny berdi.  2021/22 möwsüminiň başynda hüjümçi bäş gol geçirmegi we bir asist pasyny bermegi başardy.