Pandemiýa garamazdan baý adamlaryň baýlygy artýar

  • 25.06.2021 11:26
  • 22k+

Geçen ýyl pandemiýa we koronawirus çökgünligine garamazdan, dünýäde dollar millionerleriniň sany 5 mln adam artdy. Olaryň umumy sany 56 milliondan gowrak bolup, taryhda ilkinji gezek dünýä ilatynyň 1%-inden geçdi. Şeýle maglumatlary Şweýsariýanyň Credit Suisse banky getirýär diýip, euronews.com belleýär.

Hasabatyň awtorlary olaryň baýlygynyň ösüşiniň pandemiýanyň döreden meselelerinden “doly derejede üzňe bolandygyny” belleýärler. Dünýäniň baý ýaşaýjylaryna koronawirus çökgünligi diňe gysga möhletleýin täsir etdi, eýýäm geçen ýylyň ahyryna çenli onuň öwezi dolunypdy.
Baýlygyň ösüşine ýardam eden esasy şertler ykdysadyýete döwletiň goldaw bermegi, göterim haklarynyň azaldylmagy we ýaşaýyş jaýlaryna bahalaryň ýokarlanmagy boldy. Täze millionerler, esasan, ABŞ-da, Awstraliýada, Hytaýda we Ýewropa ýurtlarynyň birnäçesinde peýda boldy.
Beýleki ýurtlarda ýerli walýutanyň dewalwasiýasy ters netijeleri berdi, ýagny baý adamlaryň sanynyň azalmagyna we, umuman, maddy hal-ýagdaýyň peselmegine getirdi. Şweýsariýanyň bankynyň maglumatlaryna görä, Russiýada pandemiýa döwründe dollar millionerleriniň sany, 14%, 269 müň adama çenli azaldy. Ilatyň hakyky girdejisi 3% azaldy. Ýöne dollar milliarderleriniň sany artdy we olaryň umumy baýlygy hem ýokarlandy.

düýn 21:14
2.7k+

Apple 14 ýylda ilkinji gezek smartfon üpjünçiligi boýunça Samsung-dan öňe geçer

Apple şu ýyl 2011-nji ýyldan bäri ilkinji gezek ýyllyk smartfon üpjünçiligi boýunça Samsung-dan öňe geçip biler. Bu barada Counterpoint Research kompaniýasynyň çaklamasyna salgylanyp, CNBC habar berýär. Analitikler şeýle ösüşi iPhone 17 hatarynyň üstünlikli bolmagy we pandemiýadan soň smartfonlaryň işjeň ýagdaýda täzelenmegi bilen baglanyşdyrýar...

28.11.2025 11:00
1.7k+

HP-de 6000 işgär emeli aňyň ornaşdyrylmagy sebäpli işini ýitirer

HP kompaniýasy işleri has netijeli etmek we emeli aňy ornaşdyrmak boýunça meýilnamanyň çäklerinde 2028-nji maliýe ýylyna çenli tutuş dünýä boýunça 4000-den 6000-e çenli iş ornuny azaltmagy meýilleşdirýär. Bu barada kompaniýanyň habarynda aýdylýar...

27.11.2025 23:29
2.4k+

LG Electronics ýolbaşçy düzüminiň üýtgeşmelerini yglan etdi

Günorta Koreýanyň LG Electronics kompaniýasy ýolbaşçy düzüminde uly üýtgeşmeleriň bolandygyny, şol sanda täze baş direktoryň bellenendigini mälim etdi. 1-nji dekabrdan başlap, bu wezipäni häzirki wagtda LG-niň Öý Tehnikasy we Çözgütleri bölümine ýolbaşçylyk edýän hem-de kompaniýanyň maglumatyna görä, amallaryň durnukly ösüşine ýeten Rýu Çže-çhol eýelär...

27.11.2025 23:20
5.8k+

Google-yň egindeş esaslandyryjysy Sergeý Brin dünýäniň iň baý adamlarynyň üçlügine girdi

Google kompaniýasyny esaslandyryjylaryň biri bolan Sergeý Brin 245 mlrd dollar baýlygy bilen dünýäniň iň baý adamlarynyň ilkinji üçlügine girdi. Forbes neşiriniň hasaplamalary boýunça, ol Oracle-yň egindeş esaslandyryjysy Larri Ellisondan öňe geçdi...