Portugaliýada 1-nji iýuldan bir gezeklik plastik önümleri gadagan edilýär

  • 20.06.2021 19:42
  • 9.7k+

1-nji iýuldan Portugaliýada daşky gurşawy hapalaýan we deňiz ýaşaýjylaryna uly zyýan ýetirýän bir gezeklik plastik önümleriniň satuwy gadagan edilýär.

Day.Az-yň habar bermegine görä, Portugaliýanyň kompaniýalary supermarketleriň tekjelerinden daşky gurşawa uly zyýan ýetirýän tabaklary, naharhana enjamlaryny, içgi sypaljyklaryny, içgiler we iýmit önümleri üçin penopolistiroldan taýýarlanan konteýnerleri aýyrmagy maksat edinýärler.
Mundan başga-da, 2024-nji ýyldan Portugaliýada ýanyň bilen alnyp gidilýän iýmitli plastik gap üçin täze salgyt giriziler. Takmynan, 40 ýewro sent möçberindäki salgyt bu önümleriň gymmatlamagyna getirer.
Şeýlelik bilen, Portugaliýa Ýewropa bileleşiginde tas iki ýyl mundan ozal tassyklanan, ýöne koronawirus pandemiýasy sebäpli durmuşa geçirilmegi gijikdirilen bilelikdäki görkezmäni ulanýan ilkinji ýurtlaryň birine öwrülýär. Şeýle-de, suwly we beýleki içgili plastik çüýşelere garşy göreş başlanýar, sebäbi olar ýa-ha gaýtadan işlenmäge ýaramly bolmaly, ýa-da kompaniýalar alternatiwa gözlemeli bolarlar.
Bu çäreleriň täsiri diňe bir daşky gurşawyň hapalanmagyny azaltman, eýsem bu plastik önümlerini ýuwudýan kitleriň, delfinleriň we balyklaryň ölüm derejesini azaltmaga getirmeli.
ÝB-de plastik deňiz hapalarynyň 85 göterimini emele getirýär we diňe 30 göterimi gaýtadan işlemek üçin ýygnalýar. ÝB-niň ekologiki gözleglerine laýyklykda, eger 1950-nji ýylda tutuş dünýäde iki million tonna plastik öndürilen bolsa, 2015-nji ýylda bu görkeziji 380 milliona çenli ýokarlandy.
Netijede, habarlylygy ýokarlandyrmak daşky gurşawy goramak maksatlaryna ýetmek üçin esasy gurala öwrülýär.

düýn 22:31
552

GQ Japan neşiri Hideo Kodzimany ýylyň «Iň gowy döredijisi» diýip yglan etdi

GQ Japan žurnaly Hideo Kodzimany «Ýylyň adamy» (Man of the Year) nominasiýasynda 2025-nji ýylyň «Iň gowy döredijisi» diýip yglan etdi. Neşiriň redaksiýasynyň pikirine görä, bu dörediji diňe bir oýun döretmek bilen çäklenmän, eýsem, kino we interaktiw mediýanyň arasyndaky serhetleri ýok edip, düýbünden täze görnüşli güýmenjeleri oýlap tapýar...

düýn 21:19
3.3k+

ABŞ-da 74 ýaşly adam ogullyga alyndy we Ginnesiň rekordlar kitabyna girdi

Ginnesiň rekordlar kitaby ABŞ-nyň Pensilwaniýa ştatyndan bolan Bill Steýns baradaky täsin wakany gürrüň berýär. Birnäçe ýyl mundan ozal ol dünýäde ogullyga alnan iň garry adam boldy — ogullyga alnan wagtynda ol 74 ýaş we 303 günlükdi...

düýn 21:08
1.2k+

Kwentin Tarantino "Açlyk oýunlarynyň" döredijilerini plagiatda aýyplady

Režissýor Kwentin Tarantino "Açlyk oýunlary" (The Hunger Games) franşizasynyň 1999-njy ýylda çykan "Şa söweşi" (Battle Royale) atly ýapon romanyndan we onuň film adaptasiýasyndan göçürilip alnandygyny (plagiatdygyny) öňe sürdi diýip, "The Hollywood Reporter" neşiri habar berýär...

düýn 19:41
4.5k+

Dünýäde iň kiçi aty Ginnesiň rekordlar kitabyna girizildi

Pumukel atly at dünýäniň iň kiçi aty hökmünde Ginnesiň rekordlar kitabyna girdi. Onuň geriş beýikligi bary-ýogy 52,6 santimetr. Pumukel Germaniýadaky bir fermada ýaşaýar. Onuň eýesi Karol Waýdmann atyny bäş ýyl mundan ozal, ol entek kiçijik taýçanakka özüne aldy...