Facebook Trampyň sahypasyny 2 ýyllyk ýapdy

Facebook Trampyň sahypasyny 2 ýyllyk ýapdy

Facebook ABŞ-nyň ozalky Prezidenti Donald Trampyň akkaundyny möhletsiz ýapmak hakyndaky çözgüdine gaýtadan seretdi: Trampa ondan peýdalanmagyň gadagan edilmegi 2 ýyl möhlete çenli diýip karara gelindi. Eks-prezidentiň özi muny «kemsidilme» diýip atlandyrdy.  

Iki ýyllyk möhlet Ak tamyň ozalky prezidentiniň Facebook-daky sahypasynyň ilkinji gezek ýapylan senesinden — 2021-nji ýylyň 7-nji ýanwaryndan hasaplanyp başlanar. Sosial toruň ýolbaşçylygynyň belleýşi ýaly, eger-de ol «jemgyýetçilik howpsuzlygy üçin güýçli töwekgelçilik» döretmese, munuň özi Trampyň Facebook-a 2023-nji ýylyň başyndan girip biljekdigini aňladýar. Has aňryçäk ýagdaýda serwis onuň akkaundynyň ýapylmak möhletini uzaldar ýa-da onuň sahypasyny yzyna gaýtaryp bolmaz ýaly bozmaklyga çenli başga sanksiýalary ulanar. Şoňa görä-de, Tramp akkaundyny ulanyp başlanda, onuň hereketleri berk gözegçilik astynda bolar. 

Mälim bolşy ýaly, Facebook, Instagram we YouTube onuň tarapdarlarynyň 6-njy ýanwardaky Kapitoliýadaky aýgytly hüjümlerinden soň, Donald Trampyň akkaundyna wagtlaýyn böwet goýdy. Twitter bolsa ony şahsy sahypasyndan hemişelik mahrum etdi. Sosial torlaryň belleýşi ýaly, ABŞ-nyň eks-prezidentiniň habarlary zorlukly hereketleri has öjükdirdi.