“Ýuwentusyň” hüjümçisi Kriştianu Ronaldu özüniň awtoparkynyň üstüni ýetirdi. Ýagny, habar berlişi ýaly, 10-njy maýda Ferrari-niň prezidenti Jon Elkann we “Ýuwentusyň” prezidenti Andrea Anýelli bilen bilelikde oýunçy Maranellodaky awtomobil brendiniň desgalaryna baryp gördi. Bu gezelenjiň netjesinde Ronaldu Ferrari Monza SP1 superkaryny satyn aldy diýip, matchtv.ru habar berýär.
2019-njy ýylda çykarylan bu awtoulag 50-60-njy ýyllaryň Ferrari ýaryş kabrioletleriniň stilinde ýerine ýetirilip, CarWow britan platformasy tarapyndan taryhda iň owadan awtoulag diýlip saýlandy.
SP1-iň hereketlendiriji güýji 810 at güýjüne deň, iň ýokary tizligi sagatda 300 km ýetýär. Awtoulagyň bahasy 1,6 mln ýewro bolup, ony diňe çakylyk bilen satyn almak bolýar. Mundan öň şu modelden bolan awtoulagy “Milanyň” hüjümçisi Zlatan Ibragimowiç satyn alypdy.
