Düýn agşam Niderlandlarda geçen “Ýewrowideniýe – 2021” aýdym-saz bäsleşiginiň birinji ýarym finalynyň on ýeňijisi yglan edildi diýip, tj.sputniknews.ru habar berýär.
Bäsleşigiň bu bölegine 16 döwletden, ýagny Litwa, Sloweniýa, Russiýa, Şwesiýa, Awstraliýa, Demirgazyk Makedoniýa, Irlandiýa, Kipr, Norwegiýa, Horwatiýa, Belgiýa, Ysraýyl, Rumyniýa, Azerbaýjan, Ukraina we Malta döwletlerinden ýerine ýetirijiler gatnaşdy.
Ses bermäniň netijesinde finala 10 gatnaşyjy çykdy: “Fallen Angel” kompozisiýasy bilen TIX aýdymçysy (Norwegiýa), Eden Alene – Set Me Free (Ysraýyl), Maniža – Russians Woman (Russiýa), Samira Efendi – Mata Hari (Azerbaýjan), Destini Çukunýere – Je Me Casse (Malta), The Roop – Discoteque (Litwa), Elena Sagrinu – El Diablo (Kipr), Tusse – Voices (Şwesiýa), Hooverphonic – The Wrong Place (Belgiýa), Go_A – “Şum” (Ukraina).
Ýeňijileri saýlamaga hem “Ýewrowideniýäniň” tomaşaçylary hem-de bäsleşigiň abraýly emin agzalary gatnaşdy. “Ýewrowideniýe – 2021” aýdym-saz bäsleşiginiň ikinji ýarym finaly 20-nji maýda geçiriler. Bäsleşigiň ýeňijisi aýyň 22-sine belli bolar.
