Alymlar iýmitiň zaýalanmagyna sebäp bolýan bakteriýalary öldürýän paket döretdiler. Bu barada cursorinfo.co.il habar berdi.
Iýmitiň zaýalanmagy durmuşda hemmeleriň ýüzbe-ýüz bolýan ýakymsyz meseleleriniň biri bolup durýar. Alymlar bu meseläni çözmek maksady bilen, bakteriýalaryň iýmiti zaýalamagyna päsgel berýän ýörite bioaktiw paket döretdiler.
Geljekde plastmassanyň ornuny tutmagyna umyt bildirilýän bioaktiw kagyzlaryň nusgalary Fraunhofer Gözleg institutynda işlenip taýýarlanylýar. Artykmaçlyklarynyň biri hökmünde, onuň bir gezeklik däldigi bellenilýär.
Pakediň içki ýüzi tebigy mumuň gyryndysy bilen örtülendir. Bu gatlak howa geçirmeýär we suw geçirmeýän päsgelçilik döredýär, şeýle hem doňandan soň hem düzümini üýtgetmän saklaýar. Torbanyň içini örtmek üçin ulanylýan suwuk maddanyň düzüminde iýmit üçin howpsuz diýlip ykrar edilýän antibakterial beloklaryň hem bardygy bellenilýär.