“Daily Mail” neşiri berhiz lukmany Ketrin Kelliniň ajöze kofe içmegiň howpuny ýüze çykaran işi barada makalasyny çap etdi. Bu barada msn.com habar berdi.
Hünärmeniň pikiriçe, irden kofe içmek bilen bedeniň işjeňligi hemişe ýokarlanyp barmaýar. Mundan başga-da, onuň aýtmagyna görä, käwagt bu içgi ters täsir edip, öňküden hem beter ukyňy getirip biler. Şonuň üçin, iň gowusy kofeni ukudan oýananyňyzdan soň ýarym sagatdan gijikdirmän içmelidir.
Şol bir wagtyň özünde ajöze kofe içmek zyýanlydyr. Sebäbi ol içeniňden soň birnäçe sagadyň dowamynda gandaky şeker derejesiniň ýokarlanmagyna getirip biler.
“Ýöne ertirlik naharyndan soň kofe içseňiz, ganyň şekeri ýokarlanmaz. Ertirlik naharyndaky gök önüm süýümleri we beloklar muňa päsgel berer"-diýip, lukman nygtaýar.