Hytaýda kafelerde tabakda galdyrylan iýmit üçin jerime salnar

  • 02.05.2021 15:34
  • 13k+

Hytaý halk wekilleriniň ýygnagynyň hemişelik komiteti iýmit galyndylary bilen göreşmek barada kanun kabul etdi. Indi hytaý kafelerinde naharyny doly iýmedik müşderilere jerime salnyp bilner diýip, “Sinhua” agentligine salgylanyp, lenta.ru ýetirýär.

Täze kanuna laýyklykda, azyk hyzmatyny üpjün edijiler aşa köp iýmit galyndysyny galdyrýan müşderilerden galyndy üçin töleg alyp bilerler. Jerimäniň näçe mukdarda boljakdygy we tölegiň nähili alnyp baryljakdygy heniz belli däl.

“Kanun iýmit galyndylaryny kesgitlär we taslamanyň durmuşa geçirilişine gözegçilik etjek jogapkär edaralary bellär” – diýip, komissiýanyň metbugat sekretary Zanga Teweýýa aýtdy.

Hytaýda iýmit galyndylaryna garşy göreşmek boýunça kampaniýa 2020-nji ýylyň awgust aýynda başlady. Ol “Arassa tabak 2.0” adyny aldy, onuň esasy wezipesi restoranlarda we banketlerde iýilmedik önümleriň mukdaryny azaltmakdan ybaratdyr.
Umumymilli meýdan gözleglerine esaslanýan hasabata laýyklykda, Hytaýda her ýyl, takmynan, 18 milliard kilogram iýmit galyndylary öndürilýär. Ortaça bir adamyň biz gezeklik naharynyň paýyna 93 gram galyndy düşýär, bu sarp edilen iýmitiň umumy göwrüminiň 11,7%-ini emele getirýär.

şu gün 10:09
1.7k+

Täze Zelandiýada seýrek haýwanlary goramagyň hatyrasyna ýabany pişikleri ýok edýärler

Täze Zelandiýanyň hökümeti ýabany pişikleri 2050-nji ýyla çenli doly ýok etmek maksady bilen, olary ýyrtyjylara garşy göreşmegiň milli strategiýasyna goşmak kararyna geldi. Tebigaty goramak ministri Tama Potaka pişikleriň ýurduň biodürlüligine çynlakaý howp salýandygyny nygtady...

düýn 22:38
1.3k+

Insaýder geljekki Huawei Nova 15 hatarynyň aýratynlyklaryny aýtdy

Insaýder Digital Chat Station geljekki Huawei Nova 15, Nova 15 Pro we Nova 15 Ultra smartfonlary barada maglumatlar bilen paýlaşdy.  Habar berlişi ýaly, esasy model Nova 15 6,7 dýuým ekrana eýe bolar. Nova 15 Pro biraz uly – 6,84 dýuým displeýi alar...

düýn 21:54
1.8k+

2025-nji ýylyň arheologik möwsüminiň tapyndylary Türkmenistanyň muzeý gaznalaryna tabşyryldy

26-njy noýabrda nobatdaky meýdan arheologik we ylmy işleriň netijesinde ýüze çykarylan täze tapyndylary muzeýlere tabşyrmak boýunça dabara geçirildi. Tapyndylar Aşgabat şäherindäki Türkmenistanyň Döwlet Medeniýet Merkeziniň Döwlet muzeýiniň we Arkadag şäheriniň Taryhy we ülkäni öwreniş muzeýiniň gaznalaryna gowşuryldy...

düýn 11:02
6.6k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...