Sues kanalynyň petiklenmegi Türkmenistanyň üstünden geçýän ulag geçelgesiniň ähmiýetini açyp görkezdi

  • 24.04.2021 12:01
  • 27k+

Ýakynda Sues kanalynyň petiklenmegi Merkezi Aziýa geçelgesiniň, ýagny Türkmenistan - Özbegistan - Gyrgyzystan/Gazagystan arkaly ulag geçelgesiniň näderejede wajypdygyny görkezdi. Bu barada belgiýanyň Modern Diplomacy neşiri ýazýar diýip, «Türkmenistan: Altyn asyr» belleýär.

Mälim bolşy ýaly, emeli usulda döredilen Sues kanaly dünýädäki deňiz ýük dolanyşygynyň 7 %-ni üpjün edip, dünýäniň iň işjeň deňiz söwda ýollarynyň biri bolmagynda galýar.
Sues kanalynyň ýapylmagynyň ykdysady zyýanynyň ululygy alternatiw gury ýer ýa-da deňiz ulag ýollaryny ösdürmek meselesini öňe çykardy hem-de ählumumy ulag gurluşynyň gowşakdygyny subut etdi. Ylaýta-da, bu wakadan soň Russiýa Sues kanalynyň üsti bilen Demirgazyk Deňiz ýoluny, Eýran bolsa "Demirgazyk-Günorta" halkara ulag geçelgesini öňe sürdi.
"Modern Diplomacy" neşiri ruslaryň we eýranlylaryň teklipleriniň oňaýly we zyýanly taraplaryny belläp, Aziýa bilen Ýewropanyň arasynda harytlary Merkezi Aziýanyň üsti bilen ýa-da "Orta Geçelge" (Middle Corridor) arkaly daşamagyň möhümdigini nygtaýar.
"Orta Geçelge" Türkiýeden gaýdyp, Gruziýanyň we Azerbaýjanyň çäginden geçýär, Hazar deňzini kesip geçýär, Merkezi Aziýa baryp, Türkmenistan - Özbegistan - Gyrgyzystan/Gazagystan arkaly Hytaýa çenli uzalyp gidýär diýlip neşirde aýdylýar.
Neşiriň ýazmagyna görä, Merkezi Aziýanyň üsti bilen geçýän geçelge adaty ulag ugurlaryna seredeniňde, käbir artykmaçlyklara eýe. Ol TransSibir demir ýoly bilen deňeşdirilende, 2000 km gysga we has amatly howa şertleri bolan sebitlerden geçýär. Adaty deňiz ýoly bilen deňeşdirilende, bu ýol arkaly ýükleri Hytaýdan Ýewropa üç esse çalt, ýagny 15 günüň içinde eltip biler.
Mundan başga-da, “Orta Geçelge ” başlangyjyny Owganystan bilen Täjigistan hem goldaýar. “Lapis Lazuli” ulag geçelgesiniň üsti bilen bu ýurtlar “Orta Geçelge” bilen aragatnaşyk saklap, harytlaryny Aziýanyň ähli ugurlaryna, şeýle hem Ýewropa daşap bilerler.
Ýatlap geçsek, "Lapis Lazuli" geçelgesini döretmek baradaky şertnama 2017-nji ýylyň noýabr aýynda Aşgabatda Türkmenistan, Gruziýa, Owganystan, Azerbaýjan we Türkiýe tarapyndan gol çekilipdi.

şu gün 12:19
1.5k+

Daniýa dünýäde ilkinji bolup raýatlaryny dipfeýkden goramak üçin kanun kabul etdi

Daniýa raýatlaryny dipfeýk tehnologiýasyndan goramak üçin giň gerimli kanunçylygy kabul eden ilkinji ýurt boldy. Täze kabul edilen kanun raýatlara öz sesine, daşky görnüşine hem-de sanly keşbine bolan aýratyn hukugy berýär diýip, «TechSpot» habar berýär...

şu gün 12:15
2.2k+

Raşid Meredow Owganystanyň wise-premýeriniň wezipesini ýerine ýetiriji bilen TOPH we TOP taslamalaryny maslahatlaşdy

3-nji iýulda daşary işler ministri Raşid Meredowyň ýolbaşçylygyndaky Türkmenistanyň wekiliýeti ykdysady meseleler boýunça Owganystanyň Ministrler Kabinetiniň Başlygynyň orunbasarynyň wezipesini ýerine ýetiriji Abdul Gani Baradar bilen duşuşyk geçirdi...

düýn 18:32
2k+

Türkmenistan Parižde ÝUNESKO-nyň Hökümetara okeanografiýa komissiýasynyň mejlisine gatnaşýar

Türkmenistanyň wekiliýeti 25-nji iýun – 3-nji iýul aralygynda ÝUNESKO-nyň Pariž şäherindäki ştab-kwartirasynda geçirilýän ÝUNESKO-nyň Hökümetara okeanografiýa komissiýasynyň 33-nji Assambleýasyna gatnaşýar. Bu barada Türkmenistanyň DIM-nde habar berdiler...

düýn 14:47
2.8k+

Türkmenistanyň Prezidenti Belarus Respublikasynyň Prezidentini Garaşsyzlyk güni bilen gutlady

Prezident Serdar Berdimuhamedow Belarus Respublikasynyň Prezidenti Aleksandr Lukaşenko we ýurduň ähli halkyna Belarus Respublikasynyň Garaşsyzlyk güni mynasybetli tüýs ýürekden gutlaglaryny iberdi. Döwlet Baştutany gutlag hatynda döwletara gatnaşyklaryň geljekde hem halklarymyzyň bähbidine pugtalandyryljakdygyna ynam bildirdi...