Koronawirusa garşy “Sputnik Laýt” sanjymynyň täsirliligi 85%-e deň boldy

Koronawirusa garşy “Sputnik Laýt” sanjymynyň täsirliligi 85%-e deň boldy

Gamaleýa merkeziniň müdiri Aleksandr Ginsburg edaranyň işgärleri tarapyndan döredilen koronawirusa garşy täze “Sputnik Laýt” sanjymynyň täsirliligine baha berdi diýip, tj.sputniknews.ru habar berýär.

Bu derman serişdesi bir komponentlidir. Bu sanjymyň 21 gün aralygynda iki gezek edilmeli “Sputnik V-den” tapawutlylykda bir gezek goýberilýändigini aňladýar.
“Rossiýa 1” teleýaýlymynyň efirinde Ginsburg “Sputnik Laýt” sanjymynyň lukmançylyk edaralaryny koronawirusly hassalaryň uly akymyndan “halas etmek” maksady bilen döredilendigini aýtdy. Täze derman serişdesi üç ýa-da dört aý möhlet bilen ýokanja garşy immuniteti üpjün eder diýlip çak edilýär. Onuň täsirliligi 85%-e deňdir.

“Eger-de “Sputnik V” sanjymynyň birinji düzüm bölegi bolan “Laýt” warianty ikinji sanjym bolmazdan aýratyn ulanylsa, bu ýokanç bilen kesellemek howpuny 50-60% azaltmaga mümkinçilik berýär” – diýip, Ginsburg aýtdy.

Mart aýynyň ahyrynda bu derman serişdesi Russiýanyň Saglygy goraýyş ministrliginde hasaba alyndy. Ol adamyň adenowirus wektorlaryna esaslanýar. Häzirki wagtda sanjym kliniki synaglaryň üçünji tapgyryny geçýär.